我屋企三位寶貝，最鍾意食冇骨嘅野，今次整呢個去骨雞翼，正正啱哂佢地胃口，當然都同以往一樣，一路食一路讚好味喇~~~
《蝦膠粟米釀雞翼》食譜
材料 :
雞中翼
新鮮活蝦 (今次買了現成蝦膠)
粟米
醃料 :
生抽
砂糖
薑汁
紹酒
做法 :
（1）雞中翼洗淨，吸乾水，起骨（將骨，肉間的筋位切開，豎直雞翼，把肉拉下）。用生抽丶砂糖丶薑汁，紹酒醃半小時，備用。
（2）將蝦洗淨去殼，剔去黑腸，用紙巾吸乾水分，用菜刀每次將2至3隻蝦逐少拍打成蝦膠，將少許鹽加作蝦膠中拌勻，撻數下，備用。
（3）將蝦膠混入粟米成餡料。
（4）將餡料逐少逐少釀入雞中翼內。
（5）將已釀好的雞中翼放入光波爐高架上，以250度烤7分鐘，反轉再烤5分鐘，最後兩面塗上蜜糖再焗至金黃色即成。
溫馨提示 :
鹽拌入蝦膠，順一個方向，將它攪/撻一會，便能變得爽口。