《浸發海參》方法
1）首先要揾一個好乾净有蓋的盒，盒內唔可以有油或梳打粉。
2）先用清水浸1日1夜，因為有內臟未清除，所以一定要早晚換水。
3）係呢段期間我地會見到海參吸飽水及回軟。
4）然後用一個乾淨無油，無梳打粉嘅煲，用薑水煲海參15分鐘，熄火，焗8-10小時，焗完之後會比之前更大，更漲。
5）之後就可以用流動水清洗及去除內臟，用牙刷輕擦表面。
6）清洗乾淨係，再用清水浸住，放入雪櫃浸過夜，第二日倒咗d水，重覆此動作約3-4次，就可使海參得到充分泡發。
7）完成後，將海參分成一袋袋，放入冰格儲存，要食時由冰箱拿出解凍便可。
