《豬腳薑醋》食譜
材料： (10人份量)
豬手或豬腳 2隻 (豬手/腳斬成8-10件）
生薑 5斤
雞蛋 10隻 (烚熟去殼)八珍甜醋 10斤
黑糯米醋 1斤
做法：
產前一個月先做呢部份:
1) 將生薑去皮後沖洗乾淨，抹乾，然後將生薑用刀拍扁，放在白鑊炒至乾身，備用。
2) 然後將甜醋、黑糯米醋及生薑放入瓦煲內煮滾，醋一定要浸過薑面，最少要浸2個星期，先可以開始正式煲豬腳薑，但如四星期前已整好，就要每隔一星期煲滾一次，以免細箘及霉箘滋生。
臨生前2日：
3) 將已切件豬腳或豬手洗淨，用大火煮15分鐘後，改用細火煮60分鐘，之後要汆水及沖洗乾淨，以辟走豬操味，備用。4) 將豬腳放入已預備好的薑醋中煮滾，改用細火煮60分鐘，之後再加入已烚熟去殼雞蛋翻滾，再浸2日，就大公告成！
入廚小貼士 :
*雞蛋不宜浸太長時間，因為會變得太硬唔好食，但係越硬嘅蛋就越補，所以煲耐咗嘅蛋可以留俾返比自己補身食。
*生左BB之後，12日後可以派薑醋，但惡露未清就最好唔好食，會令惡露增加，因為薑醋好補架!
*如食到咁上下，想中途添加豬腳、豬手、雞蛋，其實冇限咩時候, 你隨時可以加，做法跟以上一樣，但當然都要浸2日喇!