大小姐，大少爺都好鍾意食咖哩，但大小姐又怕辣，大少爺又鍾意辣，所以我就用咗日式咖哩磚再加小小中式咖哩粉，噤就可以滿足到佢地2個人嘅要求喇，我仲發現咗一樣野，就係用飯煲”煲粥”功能炆牛腩，比用鑊更加易淋，更加入味~~~
《日式咖哩牛腩》食譜
材料:
牛腩或牛肋條 1.5斤
薯仔 2個
甘筍 1條 (我冇落，寶貝唔like)
日式咖哩磚 2磚
中式咖哩粉 小許
蒜頭 適量 (我會用一個)
薑片 2-3片
做法:
(1) 牛腩切大大件，洗淨，汆水，備用。
(2) 用少許油爆薑片、蒜頭，再加入牛腩炒至金黃後，加少許生抽，老抽拌勻。
(3) 倒入清水蓋過牛腩面，大滾後收慢火炆1小時 (如用飯煲”煲粥”功能, 按制後等自動跳制便可) ， 再焗1小時。
(4) 最後加入薯仔及甘筍，再炆至薯仔淋， 最後加入咖哩磚及咖哩粉煮至杰身，即成。
溫馨提示 :
日式咖哩磚會愈煮愈杰， 煮時要不時攪拌，以防痴底，若太杰可加少許水。
《日式芝士蛋糕》食譜
材料：
忌廉芝士 100g
淡忌廉 110g
牛油 20g
蛋白3隻
蛋黃3隻
砂糖 48g
低筋粉 20g
鷹粟粉 10g
檸檬汁 7g
檸檬皮半個 (只要表面黃色皮)
蛋白他他粉1/8茶匙 (本人沒有落)
6吋圓形模1個 或 心形兜會全滿要拉起圍邊
做法：
(1) 忌廉芝士室溫放軟，用電動打蛋器打至滑身。
(2) 分2次加入淡忌廉，用膠刮或手動打蛋器拌至冇粒。
(3) 再加入已溶牛油拌勻成芝士糊。
(4) 蛋黃用電動打蛋器打40秒，加入檸檬汁，檸檬皮，低筋粉，粟粉拌勻，倒入(3)的芝士糊拌勻，直至沒有粒粒。
(5) 蓋上保鮮紙，放入雪櫃25分鐘。
(6) 蛋白用電動打蛋器拌勻，再加1/8茶匙他他粉，砂糖分3次加入蛋白，打至泡沫倒轉沒有掉下即可。
(7) 取出1/4蛋白加入冷凍的芝士糊混合。
(8) 再將混合的芝士糊倒回在蛋白上，用手動打蛋器拌勻，再用膠刮剷底拌勻。
光波爐版
(9) 用低架以130度預熱光波爐5分鐘。
(10) 模底先放入牛油紙，內側掃上一層薄薄的牛油，把拌好的漿倒入6吋圓形模，輕敲兩側排出多餘空氣。
(11) 蛋糕模放入光波爐，用低架焗1小時30分鐘， 如覺得蛋糕面個不夠金黃，再用150度焗2-3鐘，即成。
焗爐版
(9) 模底先放入牛油紙，內側掃上一層薄薄的牛油。如活動模先包保鮮紙，用少少水更貼模，再包錫紙。把拌好的漿倒入6吋圓形模，輕敲兩側排氣。
(10) 蛋糕模放入焗盤，連盤一起拎實，登一，兩吓。焗盤注入熱水，90-100度，再放進焗爐。
我地一家每次去食上海菜都必點呢味餸，見大家噤咁鐘意食，而且覺得又唔難整，所以決定一試 。 仲要手撕埋 ，大老爺簡直讚不絕口，因為佢最鐘意食啖啖肉嘅野。
《手撕醉雞》食譜
材料:
雞一只
杞子
蔥
薑片
調味:
胡椒粉
紹興花雕酒
糟鹵
做法:
(1) 雞先洗淨，清空內臟，抺乾身。
(2) 在雞肚內曬上胡椒粉。
(3) 把雞放在碟上，下少許紹興花雕酒。
(4) 煲滾水, 放雞入鑊大火蒸20分鐘，夠鐘熄火再焗10分鐘。
(5) 把雞拿出來後要馬放入有冰水上飛水，可令雞皮收縮入口爽脆，蒸雞時有雞汁流出，留起備用。
(6) 將雞汁下鑊煮滾，落杞子，蔥段，薑片，煮5分鐘至所有材料出味。
(7) 把(6)湯汁放涼後加入紹興花雕酒花，糟鹵。
(8) 把(7)的汁料調味後放入已蒸熟的雞，放入雪櫃，浸一日，第二日把雞拿出斬件或手撕，即成。
大小姐唔鍾意食合桃，但每次整合桃糊，佢都係食得最多嘅一個，因為佢話d合桃糊又香又滑，超好味。
《合桃糊》食譜
材料：
合桃 1磅
白米 半杯
冰糖 適量
湯袋 1個
做法：
(1) 合桃出水索乾，備用。
(2) 再放入焗爐焗脆 (代替炸)。
(3) 半杯白米浸林，備用。
(4) 米、合桃丶水，用攪拌機打碎，再用湯袋隔渣。
(5) 加冰糖適量，邊煲邊攪 因為好易痴底。
(6) 滾至杰身後熄火，即成。
