上次整完芝士焗蠔，今次又試下唔落芝士，睇下d味道有咩分別先？大少爺話唔用芝士好味d，因為芝士味會蓋過d蠔味，只係食到芝士味，今次冇落芝士，蠔味就出返哂黎，加埋爆香嘅洋蔥，非常野味〜〜〜
《洋蔥黑椒焗生蠔》食譜
材料:
半殼生蠔 10隻
洋蔥 1個
黑椒粉 適量
蒜鹽 適量
蔥花 適量
做法：
(1) 蠔沖洗浄，抹乾水份，備用。
(2) 洋蔥去衣，洗浄，切絲，備用。(3) 燒熱油鑊，爆香洋蔥至金黃色，備用。
(4) 光波爐預熱用低架，以200度焗3分鐘至出水半熟，把水倒掉，灑上適量黑椒，蒜鹽，再鋪上已爆香的洋蔥，以180度焗3分鐘，灑上蔥花，即成。